Interi fiton ndeshjen në tavolinë kundër Bolognas

15:27 | 6 Janar 2022
Lorik Gerbeshi

Ndeshja Bologna – Inter është shpallur e ndërprerë, kështu që Nerrazzurët duhet të fitojnë me rezultat zyrtar 3-0, por klubi Rossoblui ka të ngjarë të bëjë një apel dhe ta fitojë atë.

Interi mbërriti në stadiumin e Bolognas gjatë së enjtes në mëngjes, për një ndeshje të cilën ata e dinin se nuk do të luhej.

Bologna është urdhëruar të karantinohet për pesë ditë nga autoritetet shëndetësore vendase, kështu që lojtarët nuk lejohen të dalin nga shtëpia e tyre, e sidomos të shkojnë në stadium për të zhvilluar një ndeshje.

Gjyqtari kryesor priti 45 minuta para se të shpallte ndeshjen e ndërprerë.

Drejtori i Përgjithshëm i Interit, Beppe Marotta, kërkoi më shumë qartësi nga qeveria, duke kërkuar një vendim apo marrëveshje finale./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm